[有片]Laughing Gor之變節首映冇位坐秋生發爛渣

[b][u][有片]Laughing Gor之變節首映冇位坐秋生發爛渣[/u][/b]


[url]http://hk.apple.nextmedia.com/template/apple/art_main.php?iss_id=20090812&sec_id=462&art_id=13088342[/url]

拖長腳蟹入座　早走發爛渣
秋生賴無綫唔識搞首映
2009年08月12日


由謝天華孭飛、邵氏重整旗鼓後的首部電影《 Laughing Gor之變節》前晚在圓方舉行首映禮，無綫幕前幕後總動員撐場，呂慧儀以一襲谷胸裙大搶女主角陳法拉的風頭，男主角之一的吳鎮宇卻以超樸實的服飾出現，但無論眾人如何落力，也不及老馬有火的黃秋生搶鏡，他狂轟大會安排失當，更拂袖離場。
[img][/img]

謝天華、黃秋生、吳鎮宇、陳法拉和呂慧儀等一班《 Laughing Gor之變節》演員前晚到圓方出席首映禮，由於此片是邵氏重整旗鼓後的首部電影，所以無綫幕前幕後總動員撐場，當中有近 30名藝員更響應王祖藍早前在網上發起的行動，齊齊以黑衫配金鏈來撐場。呂慧儀以一襲谷胸裙大搶女主角陳法拉的風頭，天華和秋生也以黑白雙煞的造型出現，反而男主角之一的吳鎮宇卻表現甚「 hea」，除了頭髮似未整理外，更以求其服飾示人，似乎不太尊重場合。

[img][/img]
Laughing哥謝天華與 Laughing嫂陳法拉一起出席首映。 

[img][/img]
吳鎮宇戲言其一身服飾十分貴重。


「唔識搞唔好搞」

雖然今次電影是由天華孭飛，不過前晚的焦點就落於秋生身上，一身白馬王子 look的秋生到場時享盡齊人之福，左擁右抱兩位性感美女呂慧儀和周美欣，他顯得十分受落，並大讚兩人說：「周美欣係周美人，長腳蟹（指呂慧儀）係美人魚。」當秋生進入戲院不久後，忽然又急急腳步出，並大發雷霆說：「有飛冇位坐，我哋呢啲係主要演員嚟，鶽家就變咗大茄，你睇我個樣唔嬲咩？唔識搞就唔好搞，企喺度又冇位坐，入到去又戇居居。」然後拂袖離開。 

[img][/img]
舊情人湯盈盈和錢嘉樂（右圖）雖以朋友相稱，但同場出現卻視而不見
[img][/img]

「有留位畀影帝」
[img][/img]
眾人響應王祖藍（前排右二），穿黑衫、戴金鏈撐 Laughing。


無綫外事部副總監曾醒明就解釋說：「大會係有留位畀影帝，當時可能有人坐亂位置，影帝企喺度時亦都有工作人員執緊位，可能現場人數太多，加上我哋搞電影首映亦冇乜經驗，希望影帝多多包涵。」不過昨日曾志偉在銅鑼灣出席活動時就踢爆秋生實是有約會在身才提早離場，至於樂易玲表示已與秋生聯絡了解事件，她昨日說：「噚晚嘉賓比預期多，可能招呼有不周嘅地方，因為秋生好想睇，所以已經同佢約好咗等 13號上映時一齊再去睇。」 

#ng#