傅穎嗌自殺　羅仲謙偷食TVB 3小花

願打願捱


花心食女兼對女人郁手郁腳，兩條死罪羅仲謙一個做齊！不過傅穎爆響口一樣因搞是非唔聽話被雪藏。分分合合疑幻似真的「羅傅戀」上週驚爆虐打新發展，結果搞到兩敗俱傷。
開拖內幕原來因傅穎疑心重，更開口嗌自殺，迫到謙謙落重手。食家謙唔只食女無數，今劑攬炒，兩敗俱傷囉！

忽然自爆
上週六（20日）傅穎出席活動時忽然向傳媒自爆跟羅仲謙復合，卻又因對方一腳踏五船而分手，又稱：「我係有好多瘀傷，瘀傷唔係我跌親囉！」暗指男方動粗。

22/8唔敢再講
週一有雜誌指羅仲謙溝巨咪港姐蔡慧欣，羅仲謙再於電視城向傳媒交代，但他只說：「雜誌講嘅嘢唔係真，其他嘢我交畀公司去處理！」

19/8記招含淚
傅穎爆鑊後，羅仲謙即於1小時後在經理人公司星皓開記招，解釋復合及動粗原因，其間更數度飲泣。 其實我好珍惜同佢之間嘅感情，所以我有搵番佢……咁佢畀我嘅感覺就係……我哋有機會囉……咁樣可能因為信任嘅問題囉，所以我哋成日會嗌交呀，甚至可能會騷擾到異性朋友……咁嗰日check我電話，我哋就嗌起交上嚟……佢……好激動咁，手舞足蹈咁樣，咁我要制止佢，可能咁樣會令到佢瘀咗……兩個之間冇咗信任，好難再喺埋一齊，所以終於係分開咗（飲泣）！


上週六（20日），原定計劃轉移北京發展的傅穎，在出發前一天出席時裝活動時，突然以「不想再說話模棱兩可、支吾以對……我冇講大話」為由，親口向在場記者剖白與同公司藝人羅仲謙傳足年半的戀情。離離合合未算新鮮，真正爆點係Theresa自稱被虐打：「我哋分開唔只一次，佢嘅背叛亦都唔只一次，除咗個心好難受，亦都有傷害過我身體。」

一哭二罵
Theresa突然爆響口，事先不知情的經理人公司星皓立即設計補鑊，即日急召記者為羅仲謙開認錯記招。 頭耷耷眼濕濕的謙仔有備而來：「佢情緒激動，手舞足蹈，所以我要制止佢！」但據知，事發當天兩人紛爭其實有來有往，知情人士說：「謙仔同傅穎上一次分手係因為謙仔瞞住佢去北京會女友，雖然謙仔最終氹掂傅穎復合，可惜Theresa都係好大疑心。嗰日出事都係因為謙仔行埋一邊睇短訊，Theresa起疑話要睇，被拒絕就借題發揮，又係咁打謙仔，又話要打畀條女，又仲話要生要死，其間傅穎曾經出言挑釁，謙仔咁大隻，嘈嘈吓，竟然成個捉起傅穎掟佢埋牆，大家都估唔到佢出手咁重。」 羅仲謙一出手已知覆水難收，Theresa亦覺對羅心死。據悉謙仔躁底原來遺傳自老爸，知情人士續說：「熟悉羅仲謙嘅人就知唔係冇可能（打人）。佢好細個爹啲媽咪離婚，就係因為爹哋成日出手打人，謙仔平時好斯文有禮，見得佢多就會知佢一發起火上嚟好暴躁，飲咗酒或者賭波輸咗，郁啲就撼頭埋牆、徒手打玻璃或者打牆，變臉快到身邊嘅人都驚咗佢！」

即食3合1
上次羅仲謙跟傅穎分手，由於男方拖住北京女友再暗溝鵪鶉妹黄智雯，今次再復合，估不到羅仲謙死性未改，除有傳連溝TVB 2小花，連今屆落選港姐蔡慧欣亦係獵物之一。

暗交1號巨咪華麗妹
去年華裔小姐、曾擔任《華麗明星賽》獎品妹的張慧雯，最近跟羅仲謙拍攝《On Call 36小時》時撻着，據知羅仲謙不時約女方飯局，更充當司機送女方回家。

暗交2號姣底港姐
應屆落選港姐13號蔡慧欣參賽時已不時有激相流出，二人於港姐外景時混熟，據知羅仲謙為博靚女歡心，堅稱跟傅穎只是煲水新聞。

暗交3號純情姐仔
外形純情的蔣家旻，跟羅仲謙一起拍攝無綫新劇《飛虎》，雖然蔣家旻只飾演保安員，戲分不重，但難逃羅仲謙法眼，據知謙仔密出SMS關心對方，終於成功打動芳心。

密食小花
其實傅穎疑心大，只因羅仲謙確實有鋪食女癮。去年6月，身處同一經理人公司的羅仲謙和傅穎，開始傳出緋聞。半年後，傅穎突然自爆羅仲謙「說話冇句真」，被揭露羅仲謙與北京富家女前度女友藕斷絲連，雖然謙謙甜言蜜語誓神劈願求得女神回頭，可惜羅仲謙繼續拈花野草密食TVB 3小花，除了因拍劇因利成便暗溝姐仔蔣家旻和《華麗明星賽》獎品妹張慧雯外，連應屆落選港姐蔡慧欣亦成為食家謙的獵物。 週一（22日）事態最新發展，是羅仲謙在電視城見記者，否認劈腿傳言：「雜誌（週一有雜誌報道羅溝大咪港姐蔡慧欣）講嘅嘢唔係真，其他嘢我交畀公司去處理。」傅穎則因口臭被公司擱置北上發展大計，分分鐘解約，對此星皓營運總裁陳小姐只說：「暫時公司仲了解緊，細節暫不回應！」有崔建邦同中巴前科，今次傅穎仲未學精？

書展長裙遮傷
傅穎於記招中暗示羅仲謙動粗打人，雖然羅只稱想制止傅穎發狂，但傅穎好友則表示：「Theresa手同腳都瘀咗，條腰仲撞埋牆瘀咗一大笪。」 

借娜姐男友反擊
羅仲謙偷食遭傅穎踢爆，據知一向躁底的傅穎，其實對羅仲謙跟周秀娜拍攝床戲亦甚感不滿，甚至懷疑娜姐跟羅仲謙有染，故此早前傅穎不惜主動約會娜姐男友Avis（陳偉成）示威，再「暗約明放」給傳媒，向娜姐示威。
[img]http://pda.atnext.com/isilo/images/next-photos/face/222/640pixfolder/W1022_307_Martin110820a051.jpg[/img]
有傷害我身體！真實對白
[img]http://pda.atnext.com/isilo/images/next-photos/face/222/640pixfolder/W1022_307_Kit110822a006.jpg[/img]
我要制止佢！真實對白
[img]http://pda.atnext.com/isilo/images/next-photos/face/222/640pixfolder/W1022_307_pun110820a015.jpg[/img]
去年與傅穎分手時，羅仲謙曾傳出力溝於《搜下留情》飾演他細妹的鵪鶉妹黄智雯，最近又於《On Call 36小時》再度合作，據知她對羅仲謙再溝華麗妹甚感憤怒。
[img]http://pda.atnext.com/isilo/images/next-photos/face/222/640pixfolder/W1022_307_pun110820a071.jpg[/img]
[img]http://pda.atnext.com/isilo/images/next-photos/face/222/640pixfolder/W1022_307_chun101105b1696.jpg[/img]
[img]http://pda.atnext.com/isilo/images/next-photos/face/222/640pixfolder/W1022_307_pybj.jpg[/img]
做《華麗明星賽》獎品妹期間，張慧雯以身材突出馳名，於微博內亦放有她跟羅仲謙的合照。 

[img]http://pda.atnext.com/isilo/images/next-photos/face/222/640pixfolder/W1022_307_wei1.jpg[/img]
羅仲謙的微博只關注了33人，除張慧雯外，連張的好姊妹「BiBi仔」亦有關注，可見二人關係匪淺。
[img]http://pda.atnext.com/isilo/images/next-photos/face/222/640pixfolder/W1022_307_1013061360977.jpg[/img]
[img]http://pda.atnext.com/isilo/images/next-photos/face/222/640pixfolder/W1022_307_chy110622a160.jpg[/img]
[img]http://pda.atnext.com/isilo/images/next-photos/face/222/640pixfolder/W1022_307_IMG_7531.jpg[/img]
[img]http://pda.atnext.com/isilo/images/next-photos/face/222/640pixfolder/W1022_307_T0723dc12.jpg[/img]
據知毆打事件發生於書展首日7月20日，為了遮掩傷痕，傅穎翌日再到書展時，放棄原本選定的短裙和露腰背心，改穿灰色長裙到場宣傳新書。《蘋果日報》圖片 

[img]http://ww1.sinaimg.cn/large/660e2358gw1dkgd1xt6nrj.jpg[/img]
[img]http://ww1.sinaimg.cn/large/660e2358gw1dkgd2wci5lj.jpg[/img]
[img]http://ww3.sinaimg.cn/large/660e2358gw1dkgd38cqu3j.jpg[/img]
[img]http://ww3.sinaimg.cn/large/660e2358gw1dkgd3w1743j.jpg[/img]
[img]http://ww1.sinaimg.cn/large/660e2358gw1dkgd4bu844j.jpg[/img] 

#adore# #adore# 羅仲謙 麻煩了 

#adore# #adore# 羅仲謙 麻煩了

食左咁多正野, 無所謂吧