[轉貼] 林依麗搞「反對包二奶」遊行

[img]http://simg.sina.com.hk/cp/0/0038/7572/2/p.jpg[/img]

保良局前總理林依麗（左）噚日喺佐敦舉行「反對包二奶」嘅街頭簽名行動，話立法會唔理包二奶情况嚴重，佢哋會喺月底發起反包二奶遊行。唔知大家有冇興趣參加呢？（姚國雄攝）

【明報專訊】去年立法會九龍西選舉候選人、保良局前總理林依麗，打正旗號「反對包二奶」，令Emily精神為之一振。雖然佢喺立法會選舉落敗，但打擊包二奶絕不手軟，噚日仲同拍檔帶咗「立法會坐視不理」、「反對包二奶」嘅紙牌，喺佐敦地鐵站門口舉辦簽名活動，短短幾個小時已經籌到成千個簽名。

林小姐話會將簽名交畀特首、立法會同埋保良局，提醒政府要做嘢反對包二奶。佢又發起喺今個月28日舉行「反對包二奶遊行」，叫市民一齊上街反對包二奶。林依麗咁落力，唔知下屆會唔會捲土重來再參選呢？